દીકરી ના આવ્યા હોંશીલા તેડા..
યુ.એસ.જાવાના કંઇ કર્યા કોડ..
મનમાં ઉગી મીઠી એક મૂંઝવણ,
લઇ શું જાવું દીકરી માટે?
નથી ત્યાં ક્શી યે ખોટ. સાયબી છલકે દોમદોમ……
ત્યાં કુંવરબાઇ ના મામેરા સમ .
લિસ્ટ આવ્યું લાંબુલચક…..!!.
અહીં ઝળહળતા પ્રકાશ ના ધોધ માં,
આંખ્યુ જાય અંજાય..
માટી ના કોડિયા ની મીઠી રોશની લાવજો,
ને વળી તુલસીકયારાની મઘમઘતી મંજરી..
હ્લ્લો ને હાય માં અટવાતી રહી,
જેશ્રીક્રુશ્ણ ના નાદ બે-ચાર લાવજો.
લાવજો છાબ ભરી કોયલના ટહુકા,
ને ઉષા ના પાલવમાંથી ઉગતા-
સૂરજ નો રાતોચોળ રંગ……..
ગોકુળ ની ગલીઓનો ગુલાલ અને,
રજ વનરાવનની લાવજો…
ખોવાઇ ગયેલ જાત ને જોઇ શકું,
આયનો એવો એક લાવજો..
ગુણાકાર-ભાગાકાર કરી કરી,
ગણિત થઇ ગયું હવે પાકું,
ડોલરિયા આ દેશમાં…
વહાલના સિક્કા બે-ચાર વીણી લાવજો.
’કેમ છો બેટા’?કોઇ ન પૂછતું ભીના કંઠે,
આંસુ લૂછવાને ટીસ્યુ નહી,પાલવ તારો લાવજો.
સગવડિયા આ પ્રદેશ માં ..
લાવજો હાશકારી નવરાશ,
ને છાંટજૉ કુટુંબમેળા ના કંકુછાંટણા………..
મસમોટા આ મારા મકાન ને..
ઘર બનાવવાની રીતો જરુર લાવજો,
ઉપરથી તો છઇએ લીલાછમ્મ..
પણ મૂળિયાં તો એની માટી ને તરસે….
પરફયુમ –ડીઓ નહીં.
ભીની માટી ની ભીનાશ ભરી લાવજો
થોડું લખ્યું ,જાજું કરી વાંચજો,
વેલાવેલા આવી હેતના હલકારાઆલજો..
નીલમ દોશી.
.
Sav sachhi vaat.
LikeLike
Aa kavita nathi, dhabktu dil chhe..
LikeLike
દિકરી વ્હાલનો દરીયો માંગો ફૂલ તો મળે દરીયો.
દિકરી માંગજે ખોબલો ભરીને મળશે કૂવો ભરીને.
માની મમતા
નીલા
LikeLike
આધુનિક મામેરું કુંવરબાઈના મામેરાથી જરાય
ઉતરતું નથી.ભીની માર્ટીની ભીનાશ અને
હેતના હલકારા માટેની ભાવના કેટલી બધી
ઉદાત્ત છે !’દીકરી વ્હાલનો દરિયો’પુસ્તક
દરેકે વસાવીને વાંચવા જેવું છે.
LikeLike
મને પાલવનું અંગ્રેજી પુછ માં
અહીં આસુઓ પણ ટીસ્યુથી લુછાય છે.
મને ખબર નથી આ શેર કોના છે પણ ક્યાંક વાંચેલા છે.
LikeLike
ઉપરથી તો છઇએ લીલાછમ્મ..
પણ મૂળિયાં તો એની માટી ને તરસે….
પરફયુમ –ડીઓ નહીં. આ પંક્તિઓ બહુ જ ગમી .
મને પાલવનું અંગ્રેજી પુછ માં
અહીં આસુઓ પણ ટીસ્યુથી લુછાય છે. યુ.કે. સ્થિત ‘ગુજલીશ’ ફેમ આદમ ટંકારવી ના શબ્દો છે.
કૃષ્ણ લખવું હોય તો ‘kRShNa’ એમ ટાઇપ કરો . ૐ લખવું હોય તો OM ….
LikeLike
અતિસુંદર રચના છે. આવી લાગણી સભર રચનાનાં રચયિતાને ખૂબ ખૂબ અભિનંદન…
સિદ્ધાર્થ શાહ
LikeLike
કલકતામાં બેઠા ગુજરાતી રજૂ કરેલી ડોલરિયા દેશની વ્યથા ! અચાનક આટલી મોટી દુનિયા નાની અંગત ખૂણા જેવી લાગે છે !
LikeLike
Mom this is sentiments at its heights…There can be no better gift than this……and there is nothing more valuable in life than the things that the daughter asks her mom to bring for her……..Thanks for instilling such values in us….May your and Dad’s love remain with us forever…….Love you Ma-Papa
LikeLike
તમારી આ કૃતિ વાંચ્યા પછી લાગે છે કે તમે કલકત્તામાં ગુજરાત સર્જ્યુ છે. અમે તે કામ અહીં અમેરીકમાં કરવા મથીયે છે.
અભિનંદન!
http://www.gujaratisahityasarita.com
http://www.gujaratishaityasarita.wordpress.com
LikeLike
પિંગબેક: કુંવરબાઇનું મામેરું « ગુજરાતી સાહિત્ય સરિતા - હ્યુસ્ટન
દીકરી તો બાપની દૌલત ગણાય.
તેના આંસુડા જો જો ના રોળાય.
LikeLike
One of my relatives sent me this.I was so touched…….
Can I have more of your creations?
Thanks for a very precious gift….
LikeLike
Simply heart churning poem.One needs to control the emotions while reading the poem. I did.The poem should find its place, amongst others,in Gujarati text books in schools,I feel.
LikeLike
આભાર..
ચૈતન્યભાઇ, મારી અન્ય રચનાઓ પણ અહીં જ આપને વાંચવા મળી જશે. આપને જે ગમે તે આપનું..ન ગમે તે મારું તો છે જ. પસંદ આપની અપની.
અજીતભાઇ આભાર….
LikeLike
સરસ.
આપની આ રચના પરોપજીવી બ્લૉગરોમાં મેઈલ ફોર્વર્ડોમાં બહુ જ પ્રિય છે.
મેઈલ ફોર્વર્ડ કરનારાઓ રચયિતાનું નામ શા માટે કાઢી નાખતા હશે?
LikeLike