પરમ સખા પરમેશ્વરને..

 

મારા પુસ્તક પરમ  સખા પરમેશ્વરનું એક પ્રકરણ….32

રે મન , મૂરખ જનમ ગંવાયો,

કરિ અભિમાન વિષય  રસ રાચ્યો

શ્યામ સરન નહીં આયો..

 પ્રાર્થના એટલે કોઇના ઉદાસ હોઠ પર સ્મિત ફરકાવવું, કોઇની આંખના અશ્રુ લૂછવા.

  હે પરમાત્મા,  આવું સુંદર માનવ જીવન આપવા માટે તારો દિલથી આભાર અને પ્રણામ. જીવન એ તારા તરફથી મને મળેલું અણમોલ વરદાન છે. અને વરદાન તો  હમેશા સુંદર જ હોય ને ? તારા વરદાન સ્વરૂપ આ  દૈવી જીવનને સારી રીતે જીવવું એ તેનું સન્માન છે. આદર છે. એને ગમે તેમ વેડફીને તારું અપમાન મારાથી કેમ કરાય ?  

હે ઇશ્વર, મને એક વાત સમજાતી નથી. આજકાલ અહીં દરેક વ્યક્તિ કહેતી હોય છે કે હું બહું સંવેદનશીલ છું. જો ખરેખર આ સત્ય હોય તો ચારે તરફ આજે જે કલુષિત વાતાવરણ દેખાય છે એનું કારણ શું ? કદાચ સાચી સંવેદનશીલતા એટલે શું ? એની જ મને જાણ નથી ?  સંવેદનશીલ હોવું એટલે આસપાસની બધી જ વસ્તુઓ પ્રત્યે, છોડવાઓ,પ્રાણીઓ,આકાશ, નદી, પંખી, અને આપણી આસપાસના  તમામ લોકો પ્રત્યે લાગણી ધરાવવી,દરેક માટે સ્નેહ હોવો. તેમની લાગણી અનુભવવી, તેમની વ્યથામાં ભાગીદાર થવા મથવું, દરેકના સુખ, દુખમાં ભાગીદાર થવું એને જ  સાચું  સંવેદન કહેવાય ને ? પણ હે પ્રભુ, આવું  સંવેદન તો કયાંય દેખા દેતું નથી. હા, નાની નાની વાતમાં મારી ધાર્મિક લાગણી જરૂર દૂભાઇ જાય છે, કોઇ જરાક બે શબ્દ કહે ને હું ઉશ્કેરાઇ જાઉં છું, નાની વાતમાં હર્ટ થઇ જાઉં છું. પણ એને સંવેદન તો કેમ કહેવાય ? અન્ય માટે  લાગણી  અનુભવવી, એમની પીડામાં ભાગ લેવો  એ જ સાચું સંવેદન ને ?

સાચા સંવેદનની  અનુભૂતિથી રામાયણમાં વાલ્મીકિ રૂષિથી પહેલો શ્લોક આપોઆપ રચાયો છે. રામાયણમાં ત્રણ વખત ક્રૌન્ચ વધ થયો છે. તમસા નદીને કિનારે મૈથુન મગ્ન  ક્રૌન્ચયુગલ પર શિકારીએ તીર છોડયું ત્યારે એ જોઇ વાલ્મીકિનું હ્રદય દ્રવી ઉઠયું અને પરમ વ્યથાથી શબ્દો સરી પડયા અને રામાયણનો પહેલો શ્લોક પ્રાપ્ત થયો. બીજો..જયારે રાવણે સીતાહરણ કર્યું ત્યારે..અને ત્રીજો સીતાને સાચી વાત જણાવ્યા સિવાય લક્ષ્મણ વનમાં મૂકી આવ્યા ત્યારે.આને જ કહેવાય  સાચું સંવેદન ને ?

હે પરમાત્મા, મારી ભીતર દરેક માટે સાચા અર્થમાં સંવેદન જાગે, મને કોઇ પ્રત્યે દુર્ભાવ, દ્વેષ, પૂર્વગ્રહ ન રહે. વેર ઝેર,  બદલો લેવાની કોઇ ભાવના, સઘળૂં મારા હ્રદયમાંથી ખરી પડે અને તેને સ્થાને  સ્નેહ, કરૂણા, દયાની લીલી કૂપળો ફૂટી નીકળે એ મારી પ્રાર્થના.

હે કરૂણાસાગર, આ વિશ્વમાં જેઓ એક કે અન્ય કારણસર દુખી છે, હતાશ છે, જેમનું જીવન અભાવ, અને વિષાદથી ભરેલું છે તે દરેકનું દુખ તો હું દૂર નહીં કરી શકું એ મારી મર્યાદા છે. પણ તેમની પીડા, વ્યથા મારા ચિત્તને ખળભળાવી શકે, હું અન્યની પીડાનો અહેસાસ કરી શકું , એમને માટૅ તને પ્રાર્થના કરી શકું અને મારી આસપાસના લોકોને શકય તે રીતે મદદરૂપ બની શકું. તો કદાચ તારા આપેલા જીવનનો મેં આદર કર્યો ગણાય.

હે પ્રભુ, મારા વિચાર ને એટલા ઉદાર કર કે હું અન્ય માણસોનું દ્રષ્ટિબિંદુ સમજી શકું, મારી અઢળક લાગણીઓ બીજા તરફ પણ વહી શકે, બીજાઓને હું પ્રેમ કરી શકુ અને તેમના પ્રેમને ઝિલી શકું, વિશ્વના સૌન્દર્યને નીરખીને માણી શકું, મારી ચેતનાને એટલી સૂક્ષ્મ કર કે તારા તરફથી  અનેક વિધ રૂપમાં તારા તરફથી  આવતા સંકેતોને પારખી અને પામી શકું.

 હે પરમેશ્વર, જીવન એક યાત્રા છે. કેવળ શરીર યાત્રા નહીં, વિચારયાત્રા, કર્મયાત્રા, ભાવયાત્રા અને કલ્યાણ યાત્રા..મારી આ યાત્રામાં તારા આશીર્વાદની મને ઝંખના છે.

ચપટીક અજવાળું..

 તો લૌ તારા જગમગે, જો લૌ ઊગે ન સૂર,

તૌ લૌં જીવ કર્મ વશ ડોલૈ, જૌ લૌં જ્ઞાન ન પૂરક.

તારાઓ ત્યાં સુધી જ ઝળહળે જયાં સુધી સૂર્યનો ઉદય ન થાય. એ જ રીતે જીવ ત્યાં સુધી કર્મવશાત આંદોલિત થાય, જયાં સુધી જ્ઞાન પરિપૂર્ણ ન થાય.

 

 

 

 

 

 

 

4 thoughts on “પરમ સખા પરમેશ્વરને..

  1. ખુબ સુંદર ભાવદશામાંથી ઉઠેલ પ્રાર્થના. સતત જાગૃતિ કેળવાતી જાય તેમ તેમ પ્રાર્થના ફળીભુત થતી જાય અને ધીમે ધીમે સુર્યના આગમનની ખબર વિલાતા તારાઓ આપતા જાય. આપની જીવન યાત્રા શુભ બને તેવી શુભેચ્છાઓ.
    અહીં મથાળે “સખા” શબ્દનો પ્રયોગ કર્યો છે. શબ્દકોશનો અર્થ જોશો તો સખા એટલે ભાઈ કે મિત્ર તેવો છે. પરંતુ મિત્ર અને સખા કે સખી શબ્દમાં નાજુક ભેદ છે. સખા કે સખી તેને કહેવાય જે મિત્ર સદાકાળ રહે. ભલે સંજોગો, કાળ, સ્થળ,જન્મો બદલાતા રહે. કૃષ્ણને ગોપીઓ તો અનેક હતી પણ સખી તો રાધા.

    Liked by 1 person

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s