એક અધૂરો ઇંટરવ્યુ..

એક અધૂરા ઈંટરવ્યુ પરથી દેવિકાબહેને લખેલ એક સુંદર મજાની કવિતા..
આપને જરૂર ગમશે જ.
(નીલમબેન દોશીના અતિઉત્તમ એકાંકી નાટક ‘અધૂરો ઇન્ટરવ્યૂ’ના વાંચનથી પ્રભાવિત થયેલાં દેવિકાબહેન ધ્રુવની એ નાટક ઉપર આધારિત આ છંદબદ્ધ રચના છે. એ નાટકનો ટૂંક સાર આ પ્રમાણે છે : ‘એક નવયુવાન પત્રકારને પહેલો ઇન્ટરવ્યૂ વડલાનો  લેવાનો થાય છે ! પહેલા દિવસે જરૂરી પ્રશ્નોત્તરી પછી વડલો એ યુવાનને બીજા દિવસે બોલાવે છે. આ દરમ્યાન વડલાને ઘણી બધી કથનીઓ સાંભરે છે. છેવટે એ જગતને એક મહાન સંદેશ (સર્જનહાર પરની શ્રધાના દીપને જલતો રાખવાનો) આપવા તૈયાર થાય છે. પરંતુ યુવાન પત્રકાર બીજા દિવસે આવે તે પહેલાં તો વૃક્ષને કાપી નાંખવામાં આવે છે અને ઈન્ટરવ્યુ અધૂરો રહી જાય છે.’ નીલમબહેને  આ નાટક દ્વારા  એકથી વધુ ઉંચેરા સંદેશાઓ જગતને પહોંચાડ્યા છે. દેવિકાબહેનનો મૂળ નાટક ઉપરનો આ છંદબદ્ધ પ્રયત્ન સરાહનીય છે. ‘વેગુ’ને આ કૃતિ પાઠવવા બદલ તેમને ખૂબ ખૂબ ધન્યવાદ. – ‘વેગુ’ સાહિત્ય સમિતિ)

એક અધૂરું કથન..
(મંદાક્રાંતા)
રે વૃક્ષોને, કરવત થકી, કાપીને છેદી દીધાં;
લાગ્યા ઘાથી, ઢળી પડી પછી, પ્રાણ છોડી જ દીધા.
(વૃક્ષોનું વર્ણન ) ( અનુષ્ટુપ )       
છોરું એ ધરતીના ને,  ભેરુ એ વનનાં હતાં.
વ્યોમ ને ભોમ શાળામાં, રોજે એ ભણતાં હતાં.
( હરિગીત )
ડાળો પરે પંખી તણા માળા મઝાના સોહતા,
મીઠા ટહૂકા કાનમાં એના સદાયે ગૂંજતા.
હો ટાઢ કે હો તાપ વા વર્ષા અને વંટોળ હો,
એ ગામના આબાલવૃધ્ધોના શિરે છાંયો હતા.
( શાર્દૂલવિક્રીડિત )      (વૃક્ષોની ખાટીમીઠી યાદોની વાત )
યાદોના ઘનઘોર મેઘ ઊમટ્યા, જૂના પટારા ખુલ્યા,
નાનાં માસુમ બાળકો અહીં રમ્યાં,પ્રીતે જુવાનો ઝુલ્યા;
પુત્રોથી વિખૂટી પડેલ જનની, હૈયાવરાળો વહી,
કાળી રાત અહીં અજાતશિશુની,તીણી જ ચીસો સહી…
 ( મંદાક્રાંતા )
કાળી યાદો મનથી નીસરી, મીંચી આંખો નિતારે,
મીઠી યાદો સઘળી લઈને નેણ બંને પલાળે.
નારી પ્રેમે હસતી અહીંયાં, ફૂલ કેવાં ચઢાવે,
હિન્દુબંધુ અવર ભગિની હાથ રક્ષા મઢાવે.           ( અહીં ‘અવર’ એટલે હિન્દુ નહિ તે.)
                                                                 ( હિન્દુ-મુસ્લીમ ભાઈબેનની વાત છે.)
(અનુષ્ટુપ ) 
હૈયે ખુશી ધરી એવી, વટવૃક્ષ હસી રહ્યું.
મળે માનવ આજે તો, લ્હાણી કાજે રટી રહ્યું.. 
( મંદાક્રાંતા )
ત્યાં તો આવી,પરિજન વળી,પાન ફેંદી જ દીધાં,
એ વૃક્ષોને, ધડ પર પછી, કાપી છેદી જ દીધાં,
લાગ્યા ઘાથી, ઢળી પડી નીચે, હૈયુ વીંધે અરે આ !
સંદેશો તે મધુર જીવનો કોઈ પામી શકે ના !!

2 thoughts on “એક અધૂરો ઇંટરવ્યુ..

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s