ચપટી ઉજાસ..169

 

ચપટી ઉજાસ.. 169

                                                                             અમે પારકી થાપણ..?

મારી સગાઇ થઇ. અખિલનો મારા જીવનમાં પ્રવેશ થયો. મારી સગાઇ થઇ ત્યારે મારી ફાઇનલ પરીક્ષને એક મહિનાની વાર હતી. એટલે મારે વધારે સમય વાંચવામાં  આપવો પડતો. તેથી  એ લોકો મને જયારે એમને ઘેર બોલાવે ત્યારે દરેક વખતે હું જઇ ન  શકતી. ત્યારે તેઓએ  કહ્યું કે

  પરીક્ષા નહીં આપે તો પણ ચાલશે.. તારે કયાં અહીં આવીને નોકરી કરવાની છે ?

પણ પરીક્ષા…ભણવું  એટલે ખાલી નોકરી  જ ? પણ મારે પરીક્ષા આપવી હતી.. મને તો લગ્ન પછી પણ આગળ ભણવાના શમણાં હતા. પણ હવે  મને લાગ્યું કે હું કદાચ  આગળ ભણી નહીં શકું.એટલે કે મારે અગળ ભણવું કે નહીં.. એ હવેથી હું નહીં..બીજું કોઇ નક્કી કરવાનું  હતું. મારી જિન્દગીના તમામ હક્કો મારે બીજાને સોંપવાના હતા. મારે શું કરવું અને શું ન કરવું એ બધું હવેથી બીજા નક્કી કરશે.. ?   મારા જીવનની દોર મારા નહીં..કોઇ અન્યના હાથમાં હતી ? કેવો બદલાવ આવશે મારા જીવનમાં ? મને થયું હું કોઇ સોનાના પિંજરમાં પૂરાવા તો નથી જતી ને ?  

પછી મને થયું..હું કદાચ વધું પડતું વિચારું છું.. વધુ પડતા વાંચનને લીધે આવા વિચારો આવે છે કે શું ? મેં પ્રયત્નપૂર્વક બધા વિચારો ખંખેરી નાખ્યા..ના.. મારા નવજીવનમાં હું પૂર્ણ શ્રધ્ધાથી પ્રવેશ કરીશ. મંગલ વિચારો જ કરીશ..અને જે પણ  પળ સામે આવશે એને  વધાવીને સારી રીતે  જીવવાનો પ્રામાણિક પ્રયત્ન કરીશ. આજે મેં મારી જાતને જ એવું વચન આપ્યું. હવે  મારું મન થોડું  શાંત થયું.

મનમાંથી બધા વિચારોને ફગાવી હું  પરીક્ષાની તૈયારીમાં લાગી ગઇ. હવે તો દાદીમાના  ચાર હાથ હતા મારી ઉપર..” જૂઇ..  જૂઇ બેટા..”   કરતા તેમની જીભ જાણે થાકતી નહોતી. મમ્મી, પપ્પા બધા  ખુશ હતા. વરસો પછી..ઉમંગી ફૈબાના ગયા પછી  ઘરમાં  કદાચ પહેલી વાર સાચી ખુશીનું મોજું ફરી વળ્યું હતું.  ફરી એકવાર ઘરનું વાતાવરણ જીવંત  થઇ ગયું હતું. હું ખુશ હતી કે ચાલો ઘણાં વરસો બાદ ઘરમાં બધા મુકત મને હસ્યા તો ખરા. મારા આ  ઘરને  તો હું એ ખુશી હું આપી શકી હતી. એનો મને આનંદ થયો. કુંજકાકાએ મને ફોન કરીને પૂછયું હતું કે આ સગાઇ મારી  ઇચ્છાથી  થઇ છે ને ? કોઇએ..ખાસ તો દાદીમાએ  ફોર્સ તો નથી કર્યો ને ? જૂઇ, મને તો એમ કે તું આગળ ભણીશ.. એની વે.. બેટા, ખુશ રહે. તારા લગ્નમાં અમે બધા  જરૂર આવીશું. તારા પપ્પા પણ  કહેતા હતા કે જૂઇને બહું સારું ઠેકાણું મળ્યું છે.. .એથી અમે પણ ખુશ છીએ..અને તને જોવા..મળવા અધીરા બની ગયા છીએ.. જેના કાકીએ કહ્યું કે તેને પણ ઇંડીયન મેરેજ જોવાનું બહું મન છે.

કાકા, કાકી  સાથે વાત કરીને મને બહું સારું  લાગ્યું.  

અખિલના બોલાવવાથી હું તેને  બે વાર મળવા ગઇ હતી. અમે ઘણી વાતો કરી હતી. આમ તો મને બધું સારું લાગ્યું હતું. કયાંય કોઇ પ્રોબ્લેમ નહોતો..અને છતાં…

હું પરીક્ષા આપવાની હતી એ અખિલને નહોતું ગમ્યું. અને કારણમાં એટલું જ કે એણે પણ  ગ્રેજયુએશન પૂરું નહોતું કર્યું. તો મારે પણ પૂરું ન કરવું જોઇએ..એવી જરૂર શી છે ? પણ જીવનમાં  બધું બધાને ગમે એવું કયાં થઇ શકતું હોય છે ?

મેં  ફરી એકવાર મનમાંથી  બધા વિચારો ખંખેરીને  ફકત ભણવામાં ધ્યાન પરોવ્યું. હાલ પૂરતું એ મને સૌથી વધારે જરૂરી લાગયું હતું. ઘરમાં તો મારા લગ્નની વાતો ચાલુ  થઇ ચૂકી હતી. દાદીમા તો મારી પરીક્ષા પૂરી થાય એટલે તુરત લગ્ન કરી દેવા જોઇએ એવું સતત કહેતા હતા. જોકે આમ તો ઘરમાં બધાનો એ જ મત હતો. હવે ઘરમાં   દિવસભર મારા લગ્નની ચર્ચાઓ ચાલતી રહે છે. જાણે એ એક સિવાય બીજોઇ કોઇ વિષય જ હવે નથી રહ્યો. દાદીમા તો જાણે દસ વરસ નાના થઇ  ગયા હતા. અખૂટ રસથી એ લગનની વાત કરતા રહેતા. કદાચ ફૈબાના લગનના સપના..જે અધૂરા રહ્યા હતા એ  દાદીમા  મારા લગનમાં પૂરા કરવા માગતા હતા.

દાદીમા તો એક જ મતના હતા.. બસ..બધું જલદી પતી જવું જોઇએ.. બધું હેમખેમ પાર ઉતરવું જોઇએ. આજકાલના છોકરાઓનો કોઇ ભરોસો નહીં.કયારે કોઇ નાની વાતમાં વાંધો આવી જાય અને બધું બગડી બેસે કે કોઇ વિઘ્ન સંતોષી કાન્કરી ચાળો કરી બેસે … મારે એવું  કોઇ જોખમ નથી લેવું. જલદી લગ્ન થઇ જાય અને જૂઇ એના ઘેર પહોંચી જાય એટલે આપણે ગંગ નાહ્યા.

ઓહ..  તો હવે મારે મારા ઘેર જવાનું છે.. આ ઘર..જયાં હું જન્મી..ઉછરી, એ ઘર મારું નહોતું. અહીં હું પારકી હતી ? હા..દાદીમા તો એમ જ કહેતા હોય છે કે દીકરી તો   પારકી થાપણ..પારકી અમાનત કહેવાય..

હું …અમે દીકરીઓ બધી જગ્યાએ  પારકી જ રહેશું  ? મારે અત્યારે નહોતું વિચારવું.. તો યે મન વિચારોથી સાવ મુકત કયાં થઇ શકે છે ?  દરેક વસ્તુનો ..વાતનો પાર પામી શકાય પણ માનવીના મનનો પાર પામવો  અઘરો..બહું અઘરો.. જ હોય છે ને ? 

3 thoughts on “ચપટી ઉજાસ..169

  1. DRDiDI.JSK.aapno aaj no din mahektaa mogaraa jevo parimal ho.vaarta jem jem
    vanchti jaau chhu tem tem hu vadhare khilti ne ughadati jaau
    chhu…dhanywaad.aapni nani ben ni tabiyat vibhuni krupathi sarv-mangal
    hashe.tame tamari tabiyat achuk sachvsho.

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s