ગઝલ ગમતી… August 12, 2007
આંખો મીંચુ-ઉઘાડું ન્યાળુ કશુંક જૂદુ,
ગૂંથાય છે હવે એ જાળુ કશુંક જૂદુ.
અમથી ફર્યા કરે છે,આ ગોળ ગોળ કૂંચી
ઉઘડે ન બંધ થાતું ,તાળુ કશુંક જૂદુ
તારું બિબુ મુબારક.મારો મિજાજ જુદો,
લઇ ને અલગ પ્રવાહી,ઢાળુ કશુંક જૂદુ
ઉકળ્યું છે આંખ સામે,ઘૂંટયું છે આજ હાથે
કિન્તુ અલગ છે ગરણી,ગાળુ કશુંક જૂદુ
આ સાંજની ઉદાસી,ને આ ભભકતું ફાનસ
કરીએ મળીને ચાલો, વાળુ કશુંક જૂદુ.
હર્ષદ ત્રિવેદી (સંપાદક: શબ્દસ્રુષ્ટિ)
nilam doshi
રચના ગમી.
સત્યશોધકને થતી મુંઝવણનો તાદ્રશ્ય ચીતાર.
તારું બિબુ મુબારક, મારો મિજાજ જુદો,
લઇ ને અલગ પ્રવાહી,ઢાળુ કશુંક જૂદુ.
ખૂબ સરસ અવધૂતી મસ્તી વાળી ગઝલ છે.
મજાની વાત એ છે કે પ્રવાહીની વાત હોવા છતાં પિયક્કડ શાયરાના અંદાજ બીલકૂલ નથી.
સુંદર ગઝલ… કાફિયા-રદીફની ગોઠવણી મજાની થઈ છે… બધું મળીને સરવાળે ગઝલ પણ બીજી ગઝલોની વચ્ચે “જુદી” તરી આવે છે…
આ સાંજની ઉદાસી,ને આ ભભકતું ફાનસ
કરીએ મળીને ચાલો, વાળુ કશુંક જૂદુ.
સુંદર રચના છે.
tame mari rachnane aa rite mahttva aapyu e mate aabhari chhu. pratibhavo aapnaar mitro ni shabdo sathe ni nisbat pan pramanu chhu.
thanks..