દિવાળી આવી,
દીવડા લાવી
પ્રકાશ ચોતરફ
દિલમાં દીવો
કરીશું આજે?
ઝગમગ આ
વીજળી દીવા
ઝાંખા લાગે કેમ તે,
નાનકડા આ
કોડિયા પાસે?
લાભ શુભ ને
સાથિયા પૂર્યા
સજાવી રંગોળી, ને
લો ઝગમગ
આ વિશ્વ સારું .
મુબારક હો
સહુ મિત્રોને,
આ “પરમ સમીપે”
દિલની દુવા
સાચા દિલથી.
પ્રકાશ ફેલે,
દીન:દુ:ખીના
ખોરડે,એ પ્રાર્થું હું
વિશ્વ સમસ્તે
છલકે ખુશી.
“ડીલીટ” કરી
શુભેચ્છા ભલે,
મેઇલ બોક્ષમાંથી
અંતરમાં છે
સદાયે સાથે.
આભાર સૌનો
માનું છું અહીં
”પરમ સમીપે”ને
સાચવું છું હું
મમ અંતરે.
લાભ શુભ ને
સ્વસ્તિક આજે
ફેલાવી રહે જગે
સંદેશ વિશ્વે
ખુશહાલીનો.
થાય અગર
દિલમાં દીવો
ઝગમગ અંતર
ઉજાળી રહે
જીવન સારું.
શુભેચ્છાઓ કે
વહેવારના
કૃત્રિમ વરસાદે
ભીંજાવું મને
ગમે ન કદી.
તિમિર પાર
તેજની ધાર
દીપ ફેલાવે જયોત
મનની પાર
છે કો’ પ્રકાશ?
કોડિયું નાનું
સંદેશ મોટો
થોડો તો મિટાવું હું
અંધકાર આ
નાના-શા ખૂણે.
દિવાળી આવી,
છલકી રહે
ઉત્સાહ આજે વિશ્વે
મલકી રહે
માનવ આજે.
શુભેચ્છાઓના,
વહેવારના
કૃત્રિમ વરસાદે
પલળી ને યે
કોરીકટ હું!!!!
નીલમ હરીશ દોશી.(સહિયારૂ સર્જન)
અરે વાહ આંટી!!
તમે તો મુક્તપંચિકાઓની બરાબર દિવાળી કરી!!
સુંદર સર્જનો છે… અભિનંદન!!
આનો ભાવ જરા વધુ ગમ્યો…
શુભેચ્છાઓના,
વહેવારના
કૃત્રિમ વરસાદે
પલળી ને યે
કોરીકટ હું!!!!
શુભેચ્છાઓ કે
શુભકામના
ભલેને વરસે શેં
રહીયે કોરા
કૃત્રિમ ફોરે