વાર્તા માણો છો કે? September 10, 2006

મિત્રો,

વાર્તા માણો છો કે નહીં?આપ સૌ જણાવશો તો જ આગળ લખવી કે નહીં એ મને ખબર પડે.કેમકે આ તો ગમતાનો ગુલાલ છે…ખાસ આપ સૌ માણી શકો માટે.બની શકે આપની ને મારી પસંદગી અલગ હોય…પણ એ તો જણાવો  તો જ ખબર પડે ને?એટલે હવે આ વાર્તા આગળ ચાલુ રાખવી કે કેમ એ તો આપ સૌ ના પ્રતિભાવ પછી જ નક્કી થઇ શકે ને?તો..હા,કે ના?ચાલુ કે બંધ?એ આપ સૌ પર.
આભાર.

પ્રાર્થના….. September 10, 2006

“પ્રુથ્વી કેરા ગર્ભમાંથી પ્રગટતી,  
          પ્રકાશ ભણી જતી,          
       ઝંખના…..એ પ્રાર્થના.”

 

 

            હું વ્રત,એકટાણા,ઉપવાસ કરું  
                  અને મારા મનમાંથી ગુસ્સો,ઇર્ષ્યા,ડંખ નિર્મૂળ ન થાય,
                  તો મારું તપ મિથ્યા છે.

  

હું મંદિરે જાઉં,ફૂલ ચડાવું,માળા ગણુ
        અને મારા કર્મમાંથી સ્વાર્થ,લોભ,મોહ નિર્મૂળ ન થાય,  
         તો મારી એ પૂજા મિથ્યા છે.

 

હું મંદિરે   હું             હું  જપ કરું.સત્સંગ કરું,ધ્યાન કરું  
 અને માર                       અને મારા  ચિત્તમાંથી અહંકાર,અભિમાન,મોટાઇનો ભાવ,   
  નિર્મૂળ ન                       નિર્મૂળ ન થાય,તો મારી એ ઉપાસના મિથ્યા છે.

 

          હું એકાંતમાં જાઉં,વૈરાગ્ય ગ્રહું,મૌન પાળું  
               અને મારી ઇચ્છાઓ-વૃતિઓનું શમન ન થાય, 
              મારો દેહભાવ ઢીલો ન પડે, 
             તો મારી એ સાધના મિથ્યા છે.

 

         હે પરમાત્મા,હું પ્રાર્થના કરું ને તમારું નામ લઉં  
               અને મારા જીવન માં પ્રેમ,કરૂણા,મૈત્રી,આનંદ પ્રગટ ન થાય,  
               તો મારો તમારી સાથેનો સંબંધ મિથ્યા છે.   

                                 -પરમ સમીપે માંથી સાભાર.